ນາຍົກ ຕ້ອນຮັບການເຂົ້າຢ້ຽມຂໍານັບຮອງປະທານທະນາຄານໂລກ

​ເຜີຍ​ແຜ່​ໂດຍ: admin|ຢ້ຽມ​ຊົມ: 26 ຄັ້ງ | ເວ​ລາ | 2026-03-23 04:04:35

ທ່ານ ສອນໄຊ ສີພັນດອນ ນາຍົກລັດຖະມົນຕີ ໄດ້ຕ້ອນຮັບການເຂົ້າຢ້ຽມຂໍານັບ ຂອງທ່ານ ຄາຣ໌ລອສ ຟິລິບເປ ຮາຣາມີໂຢ ຮອງປະທານທະນາຄານໂລກ ພ້ອມດ້ວຍຄະນະ ໃນວັນທີ 18 ມີນານີ້ ທີ່ສໍານັກງານນາຍົກລັດຖະມົນຕີ.

ໃນໂອກາດດັ່ງກ່າວ, ທ່ານ ສອນໄຊ ສີພັນດອນ ໄດ້ສະແດງຄວາມຕ້ອນຮັບ, ຊົມເຊີຍ ຕໍ່ທ່ານ ຄາຣ໌ລອສ ຟິລິບເປ ຮາຣາມີໂຢ ພ້ອມດ້ວຍຄະນະ ທີ່ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ຊຶ່ງເປັນການປະກອບສ່ວນສໍາຄັນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບ ແລະ ການຮ່ວມມື ລະຫວ່າງ ສປປ ລາວ-ທະນາຄານໂລກ, ໃນນາມຕາງໜ້າລັດຖະບານແຫ່ງ ສປປ ລາວ ຕີລາຄາສູງຕໍ່ການຮ່ວມມື ລະຫວ່າງ ສປປ ລາວ-ທະນາຄານໂລກ, ທີ່ໄດ້ປະກອບສ່ວນຊ່ວຍເຫຼືອອັນສຳຄັນເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ ທີ່ມີມາແລ້ວນັ້ນໃຫ້ນັບມື້ກ້າວເຂົ້າສູ່ລວງເລິກ.

ໃນໂອກາດນີ້, ທ່ານ ຄາຣ໌ລອສ ຟິລິບເປ ຮາຣາມີໂຢ ຕາງໜ້າໃຫ້ກັບຄະນະ ສະແດງຄວາມຂອບໃຈຕໍ່ທ່ານນາຍົກ ທີ່ໄດ້ໃຫ້ການຕ້ອນຮັບອັນອົບອຸ່ນ ພ້ອມທັງໄດ້ແຈ້ງຈຸດປະສົງຂອງການມາຢ້ຽມຢາມ ແລະ ເຮັດວຽກໃນຄັ້ງນີ້ ໃຫ້ກັບທ່ານນາຍົກໄດ້ຮັບຊາບຕື່ມອີກ.

ໃນວັນດຽວກັນ ທີ່ສໍານັກງານນາຍົກລັດຖະມົນຕີ, ທ່ານ ນາຍົກ ກໍໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານ ເບັນຈາມິນ ວິນລຽມ (Benjamin William) ເລຂາທິການອົງການກາແດງສິງກະໂປ ພ້ອມດ້ວຍຄະນະເຊັ່ນກັນ.

(ຂ່າວ: ແສງຈັນ)