ເພີ່ມທະວີສາຍພົວພັນສາມັກຄີພິເສດ ລາວ-ຫວຽດນາມກ້າວຂຶ້ນສູ່ລະດັບສູງໃໝ່

​ເຜີຍ​ແຜ່​ໂດຍ: admin|ຢ້ຽມ​ຊົມ: 7 ຄັ້ງ | ເວ​ລາ | 2026-03-18 05:21:52

ໃນວັນທີ 2 ທັນວາ 2025, ທີ່ນະຄອນຫຼວງວຽງຈັນ, ໄດ້ມີການພົບປະຂັ້ນສູງ ລະຫວ່າງ ພັກປະ ຊາຊົນປະຕິວັດລາວ ແລະ ພັກກອມມູນິດຫວຽດນາມ ໂດຍການເປັນປະທານຮ່ວມຂອງ ສະຫາຍ ທອງລຸນ ສີສຸລິດ, ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ ແລະ ສະຫາຍ ໂຕເລິມ, ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ.

ການພົບປະຄັ້ງນີ້ ໄດ້ຈັດຂຶ້ນໃນທ່າມກາງບັນຍາກາດທົ່ວພັກ, ທົ່ວລັດ ແລະ ທົ່ວປວງຊົນລາວທັງ ຊາດພວມສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50 ປີ ແລະ ວັນເກີດ ປະທານ ໄກສອນ ພົມວິຫານ ຄົບຮອບ 105 ປີ, ຊຶ່ງເປັນເຫດການທີ່ມີຄວາມໝາຍສໍາຄັນ ໃນການພົວພັນຮ່ວມ ມືພິເສດ ລະຫວ່າງ ລາວ-ຫວຽດນາມ ໃຫ້ເລິກເຊິ່ງກວ່າເກົ່າ.

ໃນການພົບປະຄັ້ງນີ້, ສະຫາຍເລຂາທິການໃຫຍ່ ທອງລຸນ ສີສຸລິດ ແລະ ສະຫາຍເລຂາທິການ ໃຫຍ່ ໂຕເລິມ ໄດ້ແຈ້ງໃຫ້ກັນຊາບກ່ຽວກັບ ສະພາບການຂອງແຕ່ລະພັກ, ແຕ່ລະປະເທດ, ໃນນັ້ນລວມມີ ວຽກງານກໍ່ສ້າງພັກ, ການກະກຽມ ກອງປະຊຸມໃຫຍ່ ຂອງແຕ່ລະພັກ, ການປັບປຸງສັບຊ້ອນກົງຈັກການຈັດ ຕັ້ງຂອງລະບົບການເມືອງໃຫ້ກະທັດຮັດ, ການພັດທະນາເສດຖະກິດ-ສັງຄົມ, ແລກປ່ຽນກ່ຽວກັບສະພາບ ການພາກພື້ນ, ສາກົນ ແລະ ບັນດາເນື້ອໃນທີ່ສອງຝ່າຍ ມີຄວາມສົນໃຈ; ຕີລາຄາຄືນກ່ຽວກັບຜົນສໍາເລັດ ຂອງການຮ່ວມມື ລະຫວ່າງ ສອງພັກ, ສອງລັດ ໃນໄລຍະຜ່ານມາ; ເປັນເອກະພາບກ່ຽວກັບບັນດາທິດ ທາງໃຫຍ່ສໍາຄັນ ໃນບັນດາຂົງເຂດຂອງການພົວພັນຮ່ວມມື ໃນໄລຍະຕໍ່ໜ້າ.

ການນໍາທັງສອງພັກ ໄດ້ສະແດງຄວາມປິຕິຍິນດີ ແລະ ຕີລາຄາສູງ ກ່ຽວກັບການພົວພັນຮ່ວມມື ລາວ-ຫວຽດນາມ ທີ່ນັບມື້ນັບໄດ້ຮັບການພັດທະນາກ້າວສູ່ລ່ວງເລິກໃນທຸກຂົງເຂດ, ໃນນັ້ນ ການພົວພັນ ດ້ານການເມືອງ ນັບມື້ນັບສະໜິດແໜ້ນ, ຄວາມໄວ້ເນື້ອເຊື່ອໃຈຍຸດທະສາດສືບຕໍ່ໄດ້ຮັບການເພີ່ມທະວີ, ຢືນຢັນບົດບາດເປັນແກ່ນສານ ໃນການກໍານົດທິດລວມ ໃຫ້ແກ່ການພົວພັນລະຫວ່າງສອງປະເທດ; ການ ຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບ ແລະ ການຕ່າງປະເທດ ນັບມື້ນັບສະໜິດແໜ້ນ, ບັນລຸຜົນສໍາເລັດຢ່າງແທ້ຈິງ ແລະ ນັບມື້ນັບມີປະສິດທິຜົນ, ຢືນຢັນການເປັນເສົາຄໍ້າສໍາຄັນໃນການພົວພັນ ລາວ-ຫວຽດນາມ; ການຮ່ວມມືທາງດ້ານ ເສດຖະກິດ, ການຄ້າ, ການລົງທຶນ ໄດ້ຮັບການເອົາໃຈໃສ່, ຊຸກຍູ້, ມີການຫັນປ່ຽນຢ່າງຕັ້ງໜ້າ, ນັບມື້ໄດ້ຮັບການຍົກສູງດ້ານຄຸນນະພາບ ແລະ ບັນລຸຜົນສໍາເລັດ ທີ່ໜ້າເພິ່ງພໍໃຈ; ບາງໂຄງການຍຸດທະສາດ ໄດ້ຮັບການສຸມໃສ່ຈັດຕັ້ງປະຕິບັດ, ແກ້ໄຂຂໍ້ຫຍຸ້ງຍາກ, ສ້າງ ບາດກ້າວບຸກທະລຸໃນການຮ່ວມມື. ການຮ່ວມມືທາງດ້ານ ວັດທະນະທໍາ, ການສຶກສາ, ວິທະຍາສາດ - ເຕັກນິກ ແລະ ບັນດາຂົງເຂດອື່ນໆສືບຕໍ່ໄດ້ຮັບຄວາມເອົາໃຈໃສ່, ຊຸກຍູ້ ແລະ ບັນລຸຜົນສໍາເລັດທີ່ຕັ້ງໜ້າ; ການຮ່ວມມື ລະຫວ່າງ ບັນດາຄະນະຂອງສູນກາງພັກ, ກະຊວງ, ຂະແໜງການຂອງລັດຖະບານ, ບັນດາ ອົງການຂອງສະພາແຫ່ງຊາດ, ແນວໂຮມ, ບັນດາອົງການຈັດຕັ້ງມະຫາຊົນ ແລະ ທ້ອງຖິ່ນຕ່າງໆ ສືບຕໍ່ ໄດ້ຮັບການຍູ້ແຮງ ແລະ ເສີມຂະຫຍາຍ ນັບມື້ນັບຫຼາຍຂຶ້ນກວ່າເກົ່າ.

ສະຫາຍເລຂາທິການໃຫຍ່ທັງສອງ ໄດ້ຊົມເຊີຍຕໍ່ບັນດາຜົນສໍາເລັດສໍາຄັນ ແລະ ຮອບດ້ານ ທີ່ປະ ຊາຊົນສອງຊາດ ຍາດມາໄດ້ໃນພາລະກິດສ້າງສາພັດທະນາປະເທດຊາດ ແລະ ປ່ຽນແປງໃໝ່ ກໍຄືການ ປະຕິບັດມະຕິກອງປະຊຸມໃຫຍ່ ຂອງແຕ່ລະພັກ; ຂອບໃຈຕໍ່ການສະໜັບສະໜູນຊ່ວຍເຫຼືອເຊິ່ງກັນ ແລະ ກັນ ຢ່າງໝົດຈິດໝົດໃຈ ຕະຫຼອດໄລຍະຜ່ານມາ. ສອງຝ່າຍໄດ້ເນັ້ນໜັກເຖິງປະຫວັດສາດ, ການພົວພັນ ຮ່ວມມືທີ່ສະໜິດແໜ້ນ ເປັນມູນເຊື້ອມາແຕ່ດົນນານ ແລະ ການຊ່ວຍເຫຼືອເຊິ່ງກັນ ແລະ ກັນ ຂອງສອງ ຝ່າຍ; ຢືນຢັນວ່າ ສາຍພົວພັນ ລາວ-ຫວຽດນາມ ເປັນມໍລະດົກອັນລໍ້າຄ່າຂອງສອງຊາດ, ເປັນປັດໄຈ ພາວະວິໄສ, ເປັນກົດເກນປະຫວັດສາດ ແລະ ເປັນກໍາລັງແຮງອັນໃຫຍ່ຫຼວງຂອງ ສອງພັກ, ສອງລັດ ທີ່ຕ້ອງໄດ້ຮັບການເສີມຂະຫຍາຍ, ສົ່ງຕໍ່ໃຫ້ບັນດາຄົນຮຸ່ນໜຸ່ມຕໍ່ໄປ.

ສອງຝ່າຍ ຢືນຢັນຕໍ່ຄວາມສໍາຄັນ, ຄວາມໝາຍຍຸດທະສາດ ຂອງສາຍພົວພັນ ລາວ-ຫວຽດນາມ ແລະ ຫວຽດນາມ-ລາວ ໃນສະພາບການໃໝ່ - ຍຸກສະໄໝແຫ່ງການພັດທະນາ ແລະ ເຫັນດີຍົກລະດັບ ການພົວພັນພິເສດຂຶ້ນເປັນ ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບ ດ້ານ ແລະ ຫຸ້ນສ່ວນຍຸດທະສາດ ລາວ-ຫວຽດນາມ, ຫວຽດນາມ - ລາວ ໂດຍມີເປົ້າໝາຍເຊື່ອມຈອດ ດ້ານຍຸດທະສາດ, ນະໂຍບາຍການພັດທະນາເສດຖະກິດ, ພື້ນຖານໂຄງລ່າງ, ບໍາລຸງສ້າງຊັບພະຍາກອນ ມະນຸດ ຕອບສະໜອງໃຫ້ແກ່ການພັດທະນາທີ່ຍືນຍົງຂອງແຕ່ລະປະເທດ, ສືບຕໍ່ຜັນຂະຫຍາຍມູນເຊື້ອອັນ ດີງາມ, ເພີ່ມທະວີຄວາມສາມັກຄີພິເສດ, ປະສານສົມທົບກັນຢ່າງແໜ້ນແຟ້ນ, ສະໜັບສະໜູນ ຊ່ວຍເຫຼືອ ເຊິ່ງກັນ ແລະ ກັນ, ເສີມຂະຫຍາຍບັນດາກົນໄກທີ່ມີຢູ່ໃນປັດຈຸບັນ, ສ້າງບັນດາກົນໄກໃໝ່, ກົນໄກສະ ເພາະທີ່ແທດແໝາະເພື່ອຍົກສູງປະສິດທິຜົນຂອງການພົວພັນຮ່ວມມື ລາວ-ຫວຽດນາມ, ຫວຽດນາມ-ລາວ ແລະ ນໍາມາຊຶ່ງຜົນປະໂຫຍດທີ່ແທ້ຈິງຂອງປະຊາຊົນສອງຊາດ, ເພື່ອສັນຕິພາບ, ການຮ່ວມມື ເພື່ອການ ພັດທະນາຢູ່ໃນພາກພື້ນ ແລະ ສາກົນ. (ຂ່າວ: ຄຕພ)