ສປ ຈີນ-ອາຊຽນ ລົງນາມ ອະນຸສັນຍາ ວ່າດ້ວຍ ເຂດການຄ້າເສລີ ສະບັບ 3.0 ຢ່າງເປັນທາງການ

​ເຜີຍ​ແຜ່​ໂດຍ: admin|ຢ້ຽມ​ຊົມ: 8 ຄັ້ງ | ເວ​ລາ | 2026-07-18 04:30:55

KPL - Asean 2024 ໃນ​ໄລ​ຍະ​ຈັດ​ ກອງ​ປະ​ຊຸມ ​ສຸ​ດຍອດ​ ອາ​ຊຽນ ​ຄັ້ງ​ທີ 47 ​ຢູ່​ນະ​ຄອນ​ຫລວງ ​ກົວ​ລາ​ລຳ​ເປີ​ ປະ​ເທດ​ ມາ​ເລ​ເຊຍ, ສປ ຈີນ​ ແລະ ອາ​ຊຽນ​ ໄດ້​ລົງ​ນາມ ອະ​ນຸ​ສັນ​ຍາ​ ວ່າ​ດ້ວຍ ​ເຂດ​ການ​ຄ້າ​ເສ​ລີ​ ສະ​ບັບ 3.0 ຢ່າງ​ເປັນ​ທາງ​ການ.

ຂປລ.ວິທະຍຸ-ໂທລະພາບ ສູນກາງຈີນ, ວັນ​ທີ 28 ຕຸ​ລາ​ນີ້, ໃນ​ໄລ​ຍະ​ຈັດ​ ກອງ​ປະ​ຊຸມ ​ສຸ​ດຍອດ​ ອາ​ຊຽນ ​ຄັ້ງ​ທີ 47 ​ຢູ່​ນະ​ຄອນ​ຫລວງ ​ກົວ​ລາ​ລຳ​ເປີ​ ປະ​ເທດ​ ມາ​ເລ​ເຊຍ, ສປ ຈີນ​ ແລະ ອາ​ຊຽນ​ ໄດ້​ລົງ​ນາມ ອະ​ນຸ​ສັນ​ຍາ​ ວ່າ​ດ້ວຍ ​ເຂດ​ການ​ຄ້າ​ເສ​ລີ​ ສະ​ບັບ 3.0 ຢ່າງ​ເປັນ​ທາງ​ການ. ອ​ະ​ນຸ​ສັນ​ຍາ ​ວ່າ​ດ້ວຍ ​ເຂດ​ການ​ຄ້າ​ເສ​ລີ​ ສະ​ບັບ 3.0 ໄດ້​ປົກ​ຄຸມ​ເຖິງ 9 ຂົງ​ເຂດ​ໃຫຍ່, ໄດ້​ເພີ່ມ 5 ຂົງ​ເຂດ​ໃໝ່​ຄື: ເສດ​ຖະ​ກິດ ​ດີ​ຈີ​ຕອນ, ເສດ​ຖະ​ກິດ​ສີ​ຂຽວ, ຕ່ອງ​ໂສ້​ການ​ສະ​ໜອງ​ ເຊື່ອມ​​ຈອດ​ກັນ, ການ​ແຂ່ງ​ຂັນ ກັບ ການ​ປົກ​​ປ້ອງ ​ຜູ້​ບໍ​ລິ​ໂພກ, ຈຸນ​ລະ​ວິ​ສາ​ຫະ​ກິດ ແລະ ວິ​ສາ​ຫະ​ກິດ​ ຂະ​ໜາດ​ກາງ-ນ້ອຍ. ​ການ​ລົງ​ນາມ​ດັ່ງ​ກ່າວ ໄດ້​ສ່ອງ​ແສງ​ໃຫ້​ເຫັນ ​ຄວາມ​ປາດ​ຖະ​ໜາ ແລະ ການ​​ເຄື່ອນ​ໄຫວ ​ຮ່ວມ​ກັນ​ຂອງ​ສອງ​ຝ່າຍ ​ທີ່​ຕັ້ງ​ໜ້າ​ ນຳ​ພາ​ການ​​ສ້າງຫລັກ​ການ​ສາ​ກົນ ແລະ ຊຸກ​ຍູ້​ການ​ຮ່ວມ​ມື ​ໃນ​ຂົງ​ເຂດ ​ພັດ​ທະ​ນາ​ໃໝ່.ຜູ້​ຮັບ​ຜິດ​ຊອບ​ ທີ່​ກ່ຽວ​ຂ້ອງ ​ຂອງ​ກະ​ຊວງ​ການ​ຄ້າ​ຈີນ​ ເປີດ​ເຜີຍ​ໃຫ້​ຮູ້​ວ່າ: ພາຍ​ຫລັງ​ ລົງ​ນາມ ​​ອະ​ນຸສັນ​ຍາ ດັ່ງ​ກ່າວ​ແລ້ວ, ສອ​ງ​ຝ່າຍ​ ຈະ​ປະ​ຕິ​ບັດ​ ລະ​ບຽບ​ການ​ ຮັບ​ຮອງ​ ຂອງ​ປະ​ເທດ​ຕົນ, ຊຸກ​ຍູ້​ໃຫ້​ອະ​ນຸ​ສັນ​ຍາ​ມີ​ ຜົນ​ບັງ​ຄັບ​ໃຊ້​ໂດຍ​ໄວ./.

(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ - 29/10/2025 16:06