ກົດ​ບັດ​ອາ​ຊຽນ

​ເຜີຍ​ແຜ່​ໂດຍ: admin|ຢ້ຽມ​ຊົມ: 8 ຄັ້ງ | ເວ​ລາ | 2026-07-18 04:30:03

ກົດບັດອາຊຽນເປັນພື້ນຖານອັນໜັກແໜ້ນໃນການບັນລຸປະຊາຄົມອາຊຽນໂດຍການສະໜອງຖານະທາງດ້ານກົດໝາຍແລະຂອບເຂດວຽກງານໃຫ້ແກ່ອາຊຽນ. ພ້ອມກັນນັ້ນ ຍັງໄດ້ກຳນົດບັນດາມາດຕະການ, ລະບຽບການ ແລະ ຄຸນຄ່າຂອງອາຊຽນ, ວາງຄາດໝາຍອາຊຽນໄວ້ຢ່າງຈະແຈ້ງ, ສະແດງອອກເຖິງໜ້າທີ່ຄວາມຮັບຜິດຊອບ. ກົດບັດອາຊຽນໄດ້ມີຜົນບັງຄັບໃຊ້ໃນວັນທີ 15 ທັນວາ ປີ 2008 ໂດຍຜ່ານການອະນຸມັດຂອງ ລັດຖະມົນຕີ ກະຊວງການຕ່າງປະເທດອາຊຽນ ຢູ່ກອງເລຂາອາຊຽນ ທີ່ນະຄອນຫລວງຈາກາຕາ.ນັບແຕ່ ກົດບັດອາຊຽນ ມີຜົນບັງຄັບໃຊ້ເປັນຕົ້ນມາ, ອາຊຽນດຳເນີນວຽກງານພາຍໃຕ້ຂອບເຂດກົດໝາຍໃໝ່ ແລະ ສ້າງຕັ້ງອົງການໃໝ່ຈຳນວນໜຶ່ງ ເພື່ອຊຸກຍູ້ຂະບວນການສ້າງປະຊາຄົມ. ໃນຄວາມເປັນຈິງແລ້ວ, ກົດບັດອາຊຽນແມ່ນຂໍ້ຕົກລົງທີ່ມີຜົນສັກສິດຕາມກົດໝາຍໃນບັນດາ 10 ປະເທດສະມາຊິກອາຊຽນ. ນອກຈາກນີ້, ຍັງໄດ້ລົງທະບຽນກັບກອງເລຂາຂອງສະຫະປະຊາຊາດ, ອີງຕາມມາດຕາ 102, ວັກທີ 1 ຂອງກົດບັດຂອງສະຫະປະຊາຊາດ.

ຄວາມສໍາຄັນຂອງກົດບັດອາຊຽນສະແດງອອກຄື:

• ຄໍາໝັ້ນສັນຍາທາງດ້ານການເມືອງໃໝ່ໃນລະດັບສູງ
• ຄໍາໝັ້ນສັນຍາໄດ້ຮັບການເພີ່ມໃໝ່ ແລະ ປັບປຸງ
• ຄໍາໝັ້ນສັນຍາໄດ້ຮັບການເພີ່ມໃໝ່ ແລະ ປັບປຸງ
• ອົງການຈັດຕັ້ງອາຊຽນໃໝ່
• ເພີ່ມເປົ້າໝາຍການພັດທະນາຢ່າງຍືນຍົງຕື່ມອີກ 2 ລາຍການ
• ກອງປະຊຸມອາຊຽນເພີ່ມເຕີມ
• ເພີ່ມບົດບາດຂອງລັດຖະມົນຕີຕ່າງປະເທດອາຊຽນຂຶ້ນ
• ບົດບາດຂອງເລຂາທິການໃຫຍ່ອາຊຽນທີ່ເພີ່ມໃໝ່ ແລະ ເສີມຂະຫຍາຍ

ແຫຼ່ງ: ຂ່າວ​ສານ​ປະ​ເທດ​ລາວ