ຊີ​ວິດ ແລະ ຜົນ​ງານ​ຂອງ​ພະ​ອາ​ຈານ ມະ​ຫາ​ປານ ອະ​ນັນ​ໂທ

ຂຽນ​ໂດຍ: ໂຄງ​ການ​ພຸດ​ທະ​ສາ​ສະ​ໜາ​ເພື່ອ​ພັດ​ທະ​ນາ

ໂຄງການພຸດທະສາສະໜາເພື່ອການພັດທະນາ(ຄ.ພ.ພ),ພຣະສົງ ສາມະເນນ, ສິດສານຸສິດ ພ້ອມດ້ວຍການ ຈັດຕັ້ງບ້ານແລະເຖົ້າແກ່ແນວໂຮມ ໄດ້ພ້ອມພຽງກັນຈັດຕັ້ງບຸນສະຫຼອງ 100 ປີ ຊາຕະການພຣະອາຈານ ມະຫາປານ ອານັນໂທ ຂຶ້ນໃນວັນທີ 24, 25, 26/10/2010 ກົງກັບແຮມ 1, 2, 3 ຄ ຳ ເດືອນ 11 ພສ 2553 ທີ່ ວັດມະຫາພຸດທະວົງສາປ່າຫຼວງ ບ້ານ ໂສກປ່າຫຼວງ ເມືອງ ສີສັດຕະນາກ ນະຄອນຫຼວງວຽງຈັນ. ເນື່ອງຈາກພຣະ ອາຈານເປັນປູ ຊະນີຍະບຸກຄົນທີ່ຊາວພຸດລາວຮຸ່ນໃໝ່ຄວນຮູ້ຈັກ ແລະເນື່ອງໃນໂອກາດທີ່ພັກ ແລະລັດຖະບານ ຈະສະຫຼອງນະຄອນຫລວງວຽງຈັນ 450 ປີ. ໃນເດືອນຕຸລາປີ 2010 ນີ້ ກົງກັບວາລະຄົບຮອບ 100 ປີ ຊາຕະການ ຂອງພຣະອາຈານພໍດີ, ເພື່ອນ້ອມລະນຶກເຖິງຄຸນງາມຄວາມດີ ແລະ ສະແດງຄວາມກະຕັນຍູກະຕະ ເວທີຕໍ່ທ່ານ ບັນດາສິດສານຸສິດ ແລະຜູ້ມີສັດທາໃນພຸດທະສາສະໜາທັງຫຼາຍ ຈຶ່ງມີສັດທາປາສາຖະອັນແຮງກ້າ ຈັດບຸນດັ່ງກ່າວນີ້ຂຶ້ນ. ຈຸດປະສົງ: 1. ເພື່ອເຜີຍແຜ່, ຈັດສະແດງຜົນງານຂອງພຣະອາຈານ; 2. ເພື່ອສ້າງກອງທຶນສະໜັບສະໜູນການສຶກສາຂອງພຣະສົງສາມະເນນ; 3. ເພື່ອສ້າງກອງທຶນຈັດພິມປຶ້ມທັມມະໃຫ້ເປັນທັມມະທານສືບຕໍ່ໄປ; 4. ເພື່ອສະແດງຄວາມກະຕັນຍູກະຕະເວທີ ຕໍ່ ອຸປັຊຊາອາຈານ……..