ເອ​ກະ​ສານກອງ​ປະ​ຊຸມ​ໃຫຍ່ ຄັ້ງ​ທີ IX ຂອງ​ພັກ​ປະ​ຊາ​ຊົນ ປະ​ຕິ​ວັດ​ລາວ

ຂຽນ​ໂດຍ: ​ວາ​ລະ​ສາ​ອາ​ລຸນ​ໃໝ່, ພິມ​ທີ່​ໂຮງ​ພິມ​ແຫ່ງ​ລັດ

ມື້ນີ້ ແມ່ນມື້ທີ່ມີຄວາມສຳຄັນເປັນພິເສດ ໃນການເຄື່ອນໄຫວນຳພາຂອງ ພັກປະຊາຊົນປະຕິວັດລາວ ທີ່ມີກຽດສະຫງ່າຂອງພວກເຮົາ. ໂດຍປະຕິບັດຢ່າງຖືກຕ້ອງຕາມກົດລະບຽບຂອງພັກ, ພວກເຮົາໄດ້ເລີ່ມຕົ້ນດຳເນີນກອງປະຊຸມໃຫຍ່ ຄັ້ງທີ IX ຢ່າງເປັນທາງການ.

ນະໂອກາດອັນມີຄວາມໝາຍນີ້, ໃນນາມຄະນະບໍລິຫານງານສູນກາງພັກ ກໍ່ ຄືຄະນະປະທານກອງປະຊຸມໃຫຍ່ ຂ້າພະເຈົ້າຂໍສະແດງຄວາມຄຳນັບຊົມເຊີຍ ບັນດາສະຫາຍຜູ້ແທນ ທີ່ຕາງຫນ້າສະມາຊິກພັກທັງໝົດ ຈຳນວນກວ່າ 191.700 ກວ່າສະຫາຍໃນທົ່ວປະເທດ ທີ່ໄດ້ມາເຂົ້າຮ່ວມກອງປະຊຸມໃຫຍ່ຄັ້ງນີ້. ບັນດາ ສະຫາຍ ໄດ້ນຳເອົາອາລົມຈິດປະຕິວັດ ແລະ ຄວາມເຊື່ອຫມັ້ນຂອງສະມາຊິກພັກ-ພະນັກງານ, ທະຫານ, ຕຳຫລວດ, ປະຊາຊົນບັນດາເຜົ່າ, ບັນດາຊັ້ນຄົນ, ຈາກທຸກອົງການຂະແໜງການອ້ອມຂ້າງສູນກາງ, ຈາກທຸກທ້ອງຖິ່ນຮາກຖານ….